ikaw at ang sambayanan ay iisa..

kaya ka pala nag-miss-call

dalawang sulat ang iiyong iniwan

sa ibabaw ng tokador

kagabing di ka na umuwi;

sa iyong ina

at sa akin.

alam ko ginusto mong personal

na magpaalam.

sinubukan mo na yan.

pero pinili mong wag na lang.

di ka nila papayagan.

sasabihin nila-

ano ang gagawin ng isang babae

sa digmaan.

eh, ako papayagan ba kita?

alam mong di ako sasagot.

alam mong mahirap para sa akin

ang ihatid ka sa daang,

pisikal na maghihiwalay sa ating dalawa.

bagamat, sa matayog nating pangarap,

pareho nating alam

na lagi tayong magkasama,

iba pa rin yung nandito ka.

literal na kasama sa pakikibaka.

kaya di ko talaga masasagot

ang tanong mo.

pero dahil sabi mo nga

kailangan,

tigib man ng kalungkutan,

pilit ko na lang dadamhin

kung ilang kilometro

na ang layo natin sa isa’t isa.

iintindihin kita.

maiintindihan kita dahil mahal kita.

pareho nating mahal ang iyong

pupuntahan.

wala akong panghihinayangan.

walang pangangambahan.

kahit alam kong muling

pagkikita nati’y walang katiyakan.

unang umagang wala ka.

wag kang mag-alala.

di ko iisipin kahit kailan

na inagaw ka sa akin ng sambayanan.

____________________

para kay ibon..ingat.

3 thoughts on “ikaw at ang sambayanan ay iisa..

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s