ginuguni-gunita kita, binubuo sa alaala.

ang mga kasunod nito ay mahahabang patlang. buntong hininga. impit na mga damdamin. sigaw na di maisigaw. isang lumang tinig ang magsasabing “sabi ko na sayo, may ibang mundo maliban dito, hindi ka para dito.” sa isa pang pagkakataon bibiguin siya. patutunayan na hindi lang itim at byuleta ang kulay. na ang mga bituwin kahit magkakalayo ng orbit ay magtatagpo sa isang bahagi ng kanilang pag-iral. masaya din sila sa kanilang sariling axis.
hindi mo kailangan ng apat na semestre ng post-calculus math, ng tatlong semestre ng intro to physics, dalawang semestre ng quantum physics, isang semestre ng mechanics, dalawang semestre ng electricity and magnetism, isang semestre ng computational physics, isang semestre ng solid state physics, isang semestre ng topics in astronomy, dalawang semestre ng basic astrophysics, isang semestre ng astronomical techniques, isang semestre ng celestial mechanics o planetary physics para maintindihan ang mga bituwin.
may sarili silang pintig na maririnig mo kahit sa pinakamaingay na bahagi ng iyong kinaluluklukan.
hindi ito pamamaalam. isa lang itong mahabang patlang. muling kikislap ang bituwin sa ibang panahon. may pagkakaton pa na kahit sa broad daylight mamalas ang kanyang ganda. mas maliwanag kaysa dati.
“i know you would come back to me in dreams of roses and water fairies”.
-ning miclat

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s